Degët 5 dhe 7 të Partisë Demokratike kanë reaguar pasi ish-kandidati për kryetar të partisë Agron Shehaj shkoi në zyrën e Edi Palokës për të verifikuar firmat e delegatëve për të mbajtur Kuvendin Kombëtar me 11 dhjetor . Degët iPD, veprimet e Shehajt i cilësojnë si një show mediatik ndërsa shtohet se deputeti demokrat tregoi se interesi i tij i vetëm është protagonizmi personal.
Sipas PD, Shehaj dështoi që të verifikojë firmat e demokratëve, sepse shtohet në reagim, ai nuk njeh bazën e partisë “dhe nuk e respekton”
Deklarata e plotë:
Show mediatik i Agron Shehajt me demokratët konfirmoi se interesi i tij i vetëm është protagonizmi personal. Agron Shehaj dështoi të verifikojë firmat e demokratëve, sepse ai as nuk e njeh bazën e partisë, as nuk e respekton atë. Si drejtues politik i degëve 5 dhe 7 në Tiranë, Agron Shehaj nuk ka bërë asnjë takim me demokratët që prej ditës që u zgjodh deputet.
PD në degën 5 dhe 7 në Tiranë e kudo ka vendosmërinë për të mos lënë demokratët në baltë dhe të mos lejojë nëpërkëmbjen e dinjitetit të tyre. Ne jemi në krah të demokratëve dhe interesit të Shqipërisë, me misionin e vetëm për rrëzimon e regjimit të Edi Ramës dhe rikthimin e PD në pushtet.”
