Shefi i Shtabit të Forcave të Armatosura, Bardhyl Kollçaku, në një raportim në lidhje me situatën e Covid në “Komisionin e Sigurisë Kombëtare”, ka bërë me dije se ka rezultuar pozitiv me coronavirus 9 persona nga radhët e personelit të Ministrisë së Mbrojtjes dhe Forcat e Armatosura.
“Nga këta 5 në misione; 4 në KFOR dhe 1 në Afganistan dhe 4 të tjerë në Shqipëri. Katër prej tyre kanë qenë të shtruar në spitalin e Infektivit në Tiranë por jo në gjendje kritike serioze, një i karantinuar në Afganistan dhe të tjerët të karantinuar në vendbanimet e tyre. Të gjithë janë ndjekur nga mjekë të njësisë mjekësore ushtarake, komandave në operacion dhe mjeku i familjes“, tha ai gjatë mbledhjes..
Kollçaku thekson se i infektuar është edhe një ushtar në bazën ushtarake në Bonavi i cili është vetë-izoluar. “Ka rezultuar një i prekur në bazën ushtarake në Bonavi, i cili është vetë- izoluar. Po marrim masa për një valë të dytë të mundshme në vjeshtë”, ka thënë më tej ai.
