Ndeshja mes Shqipërisë dhe Ishujve Faroe në “Air Albania” nuk do të jetë një ndeshje si të gjithë të tjerat, pasi sot pritet një festë e madhe pas përfundimit të ndeshjes në lidhje me kualifikimin në Euro 2024.
Për këtë festë, FSHF ka bërë të ditur axhendën për të informuar më saktë tifozët që do të jetë të pranishëm në stadium.
Në orën 17:45, do të nisë hyrja e tifozëve në “Air Albania”.
Më pas, pak minuta në fillimin e sfidës, në 20:37, do të shfaqet flamuri i madh kuqezi në tribunën lindore dhe koreografia mbresëlënëse në të gjithë stadiumin. Gjatë pushimit ndërmjet pjesëve, në 21:30, do të futet në fushë ansambli i këngëve dhe valleve popullore.
Në përfundimin e ndeshjes, në orën 22:40, do të ketë një festë me fishekzjarrë.
10 minuta më pas, në orën 22:50, do të prezantohet një klip për rrugëtimin e kombëtares shqiptare drejt Euro 2024.
Në orën 23:00, do të këndojë këngëtarja e famshme Juliana Pasha.
Në orën 23:20, kombëtarja shqiptare do të futet në fushë për t’u përshëndetur me tifozët dhe në orën 00:00, do të ketë përsëri fishekzjarre.
The post Sfida Shqipëri-Ishujt Faroe, ja si do të festohet në “Air Albania” appeared first on 27.
