Një ditë para fillimit Javës së Tokës, ministri Klosi së bashku me të rinjtë aktivistë të Ecovolis dhe Ekomendje pastruan skajin më verior të detit Adriatik. Në grykëderdhjen e lumit Buna, në fillim të plazhit të Velipojës bashkë me ujërat vijnë edhe mbetjet që shpërndahen më pas në rërë.
Ministri i Turizmit dhe Mjedisit, Blendi Klosi apeloi qytetarët dhe bizneset që të përfshihen në “Javën e Tokës”.
Klosi theksoi se plazhi i mbushur me plehra është në kontrast të fortë me pjesën tjetër në Malin e Zi, ku mjedisi dhe turizmi janë të zhvilluar së bashku në formën më të mirë. Kjo diferencë është e papranueshme për ministrin Klosi i cili shtoi se sezoni i bukur turistik është i papërputhshëm me këtë situatë që ka bregdeti ynë.
