Eksperti amerikan për çështje të Ballkanit, Daniel Serwer ka reaguar në lidhje me zhvillimet më të fundit që po ndodh në kuadër të takimeve Kosovë-Serbi.
Serwer në reagimin e tij të fundit ka një paralajmërim për presidentin e Serbisë, Aleksandar Vuçiç, i cili thekson se Serbia do të jetë në pozitë të vështirë nëse nuk e njeh Kosovën.
“Nëse nuk e njeh Kosovën, kjo do ta vendos Serbinë në pozitë të vështirë. Do të ballafaqohet me problemin e vazhdueshëm që anon nga ana nacionaliste dhe kjo mund të jetë një pengesë për anëtarësimin në BE. Shkëmbimi i territoreve do të çonte në spastrim etnik, jo vetëm në Serbi dhe Kosovë, por gjithashtu në Bosnjë dhe Maqedoni, dhe kjo mund të ndikojë në Moldavi, Gjeorgji, Ukrainë … Pse do ta bënim atë?”, ka thënë Serwer.
