Senatori italian, Manuel Vescovi, pjesë e partisë së zëvendëskryeministrit Mateo Salvini, ka reaguar për situatën politike në Shqipëri.
Duke ndjekur përkeqësimin e situatës politike në Shqipëri, senatori shpreh shqetësimin e madh për tensionet e fundit politike, të ndodhura sidomos ditëve të fundit.
Në një deklaratë, senatori Vescovi shprehet se kriza politike duhet të zgjidhet me dialog pasi sipas tij çdo zgjidhje tjetër do të përkeqësonte pashmangshmërisht ngjarjet. Vescovi shprehet se Shqipëria duhet të ruajë standardet demokratike, të cilat janë të pamundura pa zgjedhje plotësisht demokratike. Një deklaratë e tillë nënkupton zgjedhje me opozitën.
“Presim qe Shqipëria te sillet si anëtar i përgjegjshëm i NATO-s dhe jo si një vend qartësisht konfliktual. Italia beson që vendi i Shqiponjave mund të përmbushë detyrimet e veta duke luftuar në përditshmëri fenomenet e për keqësuara të kriminalitetit dhe korrupsionit, duke mbajtur dhe ruajtur kryesisht stabilitetin dhe standardet demokratike te cilat do te ishin te pamundura te garantoheshin pa zgjedhje të mirëfillta demokratike”,- thotë senatori italian
