Ushtria ruse po përballet me humbje të shumta në Ukrainë dhe sanksionet e Perëndimit po rëndojnë ekonominë e saj. Lufta e gjatë mund të përkeqësojë situatën akoma më tej prandaj rriten mundësitë që presidenti Vladimir Putin t’i drejtohet armëve bërthamore.
Kjo deklarata vjen nga kryetari i komitetit të marrëdhënieve me jashtë të senatit, Bob Menendez, i cili tha se kishte frikë se Putin mund të përdorte armët bërthamore për të imazhin e vet.
“Një nga shqetësimet e mia është se për ironi, sa më shumë sukses të kenë ukrainasit, aq më i madh është rreziku që Putini të bëjë diçka sepse ai po humbet dhe duhet të ruajë fytyrën në shtëpi. Dhe kështu potenciali i një arme bërthamore kimike, biologjike ose taktike mund të rritet si rezultat i kësaj”, u shpreh Menendez.
Sot ministrat e energjisë të Bashkimit Europian do të mbajnë bisedime urgjente ndërkohë blloku përpiqet për një përgjigje të unifikuar ndaj kërkesës së Moskës që blerësit europianë të paguajnë për gazin rus në monedhën ruse, rubla ose të përballen me heqjen e furnizimeve nga Rusia.
Ndërkohë Rusia ka ndaluar furnizimin me gaz për Bullgarinë dhe Poloninë javën e kaluar pasi ato kanë refuzuar të plotësonin kërkesën e saj për të paguar efektivisht në rubla. Nga shtetet anëtare të Unionit Europian, Austria dhe Hungaria kanë deklaruar se do të paguajnë gazin në monedhën ruse duke dalë kundra qendrimit të Unionit.
