Edhe pse thotë se i vlerëson shumë të dyja këngëtaret Anxhela Peristeri nuk ngurron të zgjedhë njërën mes Beatrix Ramosajt dhe Semi Jaupajt. Lidhur me këtë ngjarje, në një intervistë për “Mirage” artistja shprehet se në këtë moment do zgjidhte të dëgjonte më shumë këtë të fundit duke u shprehur se meriton një karrierë shumë më të madhe.
“Më ka pëlqyer gjithmonë Semi Jaupaj, një zë shumë i mirë që meriton të bëjë një karrierë shumë më të madhe. Trixa është një tjetër bukuri e rrallë që këndon. Ka shkëlqyer në “Your face sounds familiar” atëherë. Janë dy këngëtare që janë të dyja shumë të mira, por në momentin që jemi do më pëlqente të zgjedhja Semin”
Por, përveç dy këngëtareve ajo u vendos edhe përballë shumë të tjerëve. Ja zgjedhjet e saj:
Tayna apo Melinda?
Tayna më ka pëlqyer që ditën e parë, Melinda së fundmi më pëlqen pa masë.
Elvana Gjata apo Dafina Zeqiri?
Në shijet e mia është më shumë Elvana.
Fifi apo Ronela Hajati?
Fifi kur jam e dashuruar dhe dua të dëgjoj balada, Ronela kur dua të dal dhe të harboj.
Alban Skënderaj apo Flori Mumajesi?
Flori është një nga kompozitorët dhe kantautorët e mi të preferuar, por ka edhe këngë të Albanit që i kam shumë të preferuar. nuk di çfarë përgjigje të jap.
