74 predha të kalibrit 150 mm, secila me peshë rreth 50 kg janë gjetur dhe sekuestruar nga xhenierët e Forcave të Armatosura në Manati të Lezhës.
Lajmin e bën të ditur ministrja e Mbrojtjes Olta Xhaçka e cila deklaron se këta predha janë transportuar me mjete të posaçme në një poligon, ku edhe pritet të asgjësohen.
Nga të dhënat e para dyshohet se këto predha janë të Luftës së Dytë Botërore.
“Forcat e Armatosura parandaluan një tragjedi në Manati të Lezhës. Xhenierët tanë larguan nga zona e banuar 74 predha të kalibrit 150 mm, secila me peshë rreth 50 kg, sipas vlerësimeve paraprake, të Luftës së Dytë Botërore.
Arsenali i predhave u zhvendos për t’u asgjësuar në një poligon të posaçëm, ndërkohë që, prej fillimit të vitit, xhenierët e FA kanë kryer 75 operacione në të gjithë vendin, duke asgjësuar rreth 16 ton municione të rrezikshme”, shpjegon ministrja Xhaçka.
https://www.facebook.com/xhackaolta/videos/1156023324604662/
