Një sasi prej 163 mijë litra karburant që vinte kontrabandë nga Shqipëria është sekuestruar ditën e sotme në Portin e Ravennas në Itali.
Policia e këtij shteti ka sekuestruar 5 cisterna me naftë të cilat gjatë kontrollit të dokumentacionit rezultuan se nafta që do t’i shpërndahej tre kompanive italiane, ishte futur në territorin italian përmes dokumenteve fiskale të falsifikuara.
Të treja kompanitë italiane që prisnin naftën nga Shqipëria janë vënë në dijeni ndërsa prokuroria e Ravennas ka nisur hetimet për kontrabandë, tentativë për të mashtruar shtetin dhe falsifikim dokumentesh.
