Pas vizitës dy ditore në Hungari dhe Bullgari, kyeministri Edi Rama do të jetë sot i pranishëm në Kuvend, ku në seancën e sotme socialistët do të votojnë shkarkimin e presidentit Ilir Meta. Raportohet se gjithashtu Rama do të mbajë edhe një fjalë në foltoren e parlamentit.
Ndërkohë Meta ka vijuar normalisht aktivitetet e parashikuara në presidencë, ku gjatë paradites së sotme do të zhvillohet një aktivitet kulturor me Ansamblin Folklorik të Dibrës “Hazis Ndreu”.
Presidenca ka njoftuar se Meta do të nderojë me tituj edhe disa nga personalitetet e shquara të këtij Ansambli, si dhe do të mbajë një fjalë rasti.
