Vladimir Putin ka shpërthyer ndaj Perëndimit në fjalimin drejtuar kombit. Ndërsa lufta në Ukrainë po hyn në vitin e parë, presidenti rus ka siguruar se do të arrijë të gjitha qëllimet “hap pas hapi”, edhe pse pranoi se Rusia po kalon momente të vështira. Por më pas ai bëri një kthesë dhe iu drejtua vendeve perëndimore.
“Më duhet ta përsëris, janë ata që e nisën luftën. Dhe ne kemi përdorur dhe po përdorim forcën për ta ndalur atë. Ne po mbrojmë jetët e njerëzve, shtëpitë tona dhe synimin e Perëndimit, që është dominimi i shfrenuar. Ata kanë shpenzuar tashmë 150 miliardë për të ndihmuar regjimin e Kievit,” – deklaroi presidenti rus.
Kreu i Kremlinit ka paralajmëruar testimin e armëve bërthamore, por ka theksuar se Rusia nuk do t’i përdorë e para.
“Nëse e bëjnë Shtetet e Bashkuara, atëherë duhet të jemi gati. Barazia strategjike nuk duhet të shkelet”, ka shtuar Putin.
