Bashkimi Evropian ka pranuar se funksionimi i përgjithshëm i hapësirës Schengen për lëvizje të lirë të njerëzve dhe mallarave, është “në rrezik serioz”.
Me anë të një deklaratë, BE thotë se Greqia duhet të bëjë përpjekje të mëtejshme për t’u marrë me krizën e migrantëve në burimin e saj.
Sipas BE-së, ka mnagësi serioze në mënyrën se si Greqia po i mbron kufijtë e vet, që janë, po ashtu, kufi i jashtëm i gjithë zonës Schengen për lëvizje të lirë pa pasaportë.
Më shumë se një milion emigrantë kanë hyrë në Bashkimin Evropian gjatë vitit 2015 dhe shumica e tyre kanë kaluar prej Turqisë në Greqi, në rrugën e tyre për në vendet e BE-së, siç janë Gjermania dhe Suedia.
Për këtë arsye, disa shtete kanë rinisur kontrollime të përkohshme të kufirit.
