Ambientalisti Sazan Guri, është tërhequr nga gara si kandidat i PD-së për deputet, në qarkun e Beratit, dy ditë pasi PD shpalli zyrtarisht listat.
Në një status në Facebook, Sazan Guri shkruan se nuk e gjen veten në atë listë dhe se nuk ka ardhur ende koha që në Shqipëri fati të jetë në anën e njerëzve të dijes, prandaj ka vendosur që të tërhiqet nga gara.
“Fati në Shqipëri ende nuk është me njerëzit e dijes, megjithëse guxuam të ishim pjesë e politikave për mbrojtjen e të pambrojturve dhe jo pjesë e politikave për të bërë biznes. Në këto kushte, as nuk e gjej dhe as nuk e krahasoj veten, ndaj vendosa të tërhiqesha zyrtarisht nga kjo garë. Me shpresë se kohë më të mira do të vijnë, uroj që zgjedhjet dhe parlamenti i ri të ecin mbarë”- shkruan Guri në Facebook.
