Kryeministri Edi Rama, ka deklaruar se marrëveshja e nënshkruar me liderin e opozitës ka qenë në favor të PS, e cila sipas tij iu imponua PD-së.
Në një takim me simpatizantët socialistë në Sauk, Rama ka theksuar se PS nuk shkeli Kushtetutën, nuk u tall me popullin dhe nuk shkeli ligjin kur shtyu datën e zgjedhjeve, “që përtej 25 qershorit nuk mund të shkonte”.
“Ne ia dolëm t’i imponojmë PD edhe ndryshimet kushtetuese për reformën në drejtësi edhe zhbllokimin e vettingut. Dhe pa tjetër ia dolëm që PD të rikthehet në zgjedhje, sepse i duam në zgjedhje sepse duam që të gjithë qytetarët të zgjedhin, sepse na shijon fitorja duke i mundur ballë për ballë sesa duke i lënë mbyllur në çadër”, ka deklaruar Rama.
