Një turiste norvegjeze është gjetur e vdekur mëngjesin e sotëm në hotel. Mësohet se viktima është shtetasja Brigitte Fratzke, 57 vjeçe.
Gruaja është gjetur pa shenja jete nga të afërmit, ndërsa nuk dihet arsyeja. Një grup hetimor është ngritur menjëherë për rastin dhe forca të shumta të policisë së Sarandës ndodhen në hotelin ku qëndronte 57-vjeçarja.
Trupi i saj është transportuar në morg, ku do t’i nënshtrohet ekspertizës për të zbardhur rrethanat dhe shkaqet e vdekjes.
Policia: Rreth orës 09:35, është gjetur e pa jetë një shtetase e huaj në një hotel të Sarandës. Behet fjalë për shtetasen nga Norvegjia me inicialet B.F., 57 vjeçe, e cila ka qenë duke pushuar në Sarandë me familjen e saj në hotelin “B……”. Paraprakisht dyshohet se ngjarja mund të ketë ndodhur për shkaqe natyrale pasi në trupin e viktimës nuk ka shenja dhune apo dëmtime të tjera. Policia ndodhet në vendgjarje dhe po kryen veprimet e mëtejshme proceduriale.
