Një nga ekipet e para të formuara në rang vendi, ekipi i notit në Sarandë, po përballet me vështirësi të shumta, e për pasojë të rinjtë që merren me këtë sport po e lënë vendin duke gjetur strehë në vendet fqinjë.
Trajneri i notit, Stefan Shendi bën me dije se janë bërë kërkesa të vazhdueshme në Bashkinë e Sarandës, por deri tani nuk është marrë asnjë masë dhe nuk ka asnjë përgjigje.
“Me gjithë rezultatet dhe kërkesat në Bashki, qoftë në drejtimin e zonjës Florjana dhe drejtuesit e mëparshëm, kemi rënë në vesh të shurdhër. Na kanë abandonuar, na kanë lënë në harresë.
Sportistët kanë zënë kategoritë e para në garat individuale dhe nuk janë trajnuar asnjëherë, as ekonomikisht as me benefite ushqimore.
Ekipi i Sarandës ka marrë medalje asnjëherë nuk ka përfituar asnjë benefit, mbi të gjitha notarët e rinjë bëjnë stervitje vetëm gjatë përiudhës së verës pasi mungon një pishinë në të cilën mund të kryhen stervitje edhe gjatë stinës së dimrit”, shprehet trajneri Shendi.
