Nga foltorja e Kuvendit, deputeti demokrat Ervin Salianji nuk la pa ironizuar replikat në distancë të kryeministrit Edi Rama dhe deputetit socialist Erion Braçe për shifrat e INSTAT lidhur me blegtorinë, sipas të cilëve numri i lopëve është ulur.
“Për të kuptuar se cili është realiteti, shikoni për çfarë bëhet diskutimi në publik, ka nisur një diskutim mes kryeministri ministres e deputetit se iu kanë humbur lopët. Këtu kanë ikur 500 mijë njerëz. Këta bëjnë sikur nuk shohin dhe shqetësimi më i madh qenka se ka rënë numri i lopëve”, tha Salianji.
Më herët, Salianji u shprehur i irrituar në lidhje me “prioritetet” që qeveria u jep kompanive të mëdha ndërkohë që shtresat në nevojë nuk favorizohen e nuk ndihmohen. Salianji tha se kompani të ndryshme nga oligarkë po marrin tenderë nga taksat e popullit pa plotësuar kriteret, me të cilat ngrenë kulla në kryeqytet.
