Kryetari i Partisë Demokratike Sali Berisha deklaroi gjatë mbledhjes së grupit Parlamentar të PD-së se, “Rama po sillet si lopë e çmendur, kërkon të korruptojë gjykatësit kushtetues për të mbrojtur veten”.
Sipas tij, në vend që të zbatojë Kushtetutën dhe legjislacionin në fuqi, Rama po ndërmerr nisma ligjore që synojnë krijimin e mburojave për veten dhe për persona të lidhur me të.
“Situata, gjendja në Shqipëri po bëhet çdo ditë dhe më e rrezikshme.
Edi Rama po sillet si lopë e çmendur. Po të marr hua një term nga veterinaria, nuk mund të ketë kualifikim tjetër. Në një sfidë të hapur të Kushtetutës së vendit, në një sfidë të hapur të ligjeve, kodeve të vendit, ai vendos në vend të zbatimit të tyre, në vend të zbatimit të kërkesës së bazuar të prokurorisë speciale, vendos krijimin e barrierave speciale për mbrojtjen e vetes së tij. Vendos të tejkalojë Kushtetutën nëpërmjet ligjeve personale, krijimin e mburojave në mënyrë që ai dhe organizata kriminale që kryeson të vazhdojë plaçkën, grabitjen, plaçkitjen e shqiptarëve pa asnjë llogari para ligjit.
Ju do thoni pse unë them lopë e çmendur? Them sepse ka degraduar psiqikisht në mënyrë totale. Të dashur qytetarë dhe qytetare, në amendamentin që ka sjellë për mbrojtjen e vetes së tij, për të korruptuar me ligj gjykatësit kushtetuese, i ka përfshirë edhe ata më mburojën e turpit ligjore ndaj pezullimit nga detyra. Po duhet të jesh lopë e çmendur të mos lexosh Kushtetutën, e cila në mënyrë taksative përcakton se gjykatësi kushtetues pezullohet. Pra, Kushtetuta për gjykatësin kushtetues ka përcaktuar pezullimin, çka do të thotë se gjithçka tjetër për të ngjashëm, përfshi presidentin e Republikës, që nuk është i zgjedhur nga populli, është i pezullueshëm për Kushtetutën.
Kushtetuta në frymën e saj, dhe ligji në zbërthim të Kushtetutës, nuk pranon pezullimin e të zgjedhurve direkt nga sovrani. Pra, çfarë bën Kushtetuta? Pse ligji e ndalon këtë? Sepse ligji i referohet frymës dhe nenit të sovranitetit kushtetues. Sovranitetit që buron nga populli. I zgjedhuri nga populli nuk pezullohet, kryeministri pezullohet sepse nuk zgjidhet nga populli. Atyre që mund të thonë, jo u them, ka kryeministra që zgjidhen direkt nga populli. Po. Ai ka emrin, kur bëhen zgjedhjet, kryeministri votohet direkt si kryeministër. Janë jo një, por disa vende të botës.
Kurse ky është i zgjedhur nga presidenti. Nuk ka asnjë mburojë nga pezullimi. Ky po shkel Kushtetutën. Pra, e thashë edhe njëherë, duhet të jesh edhe njëherë si duhet të jesh si ai që të mos lexosh Kushtetutën. Çfarë tregon kjo? Kjo tregon se ai me çdo kusht kërkon të korruptojë gjykatësit kushtetues, të cilët nuk mund ta pranojnë kurrë një nen të tillë. Po si mund të pranojë gjykatësi kushtetues një nen të tillë, kur Kushtetuta thotë pezullohet?
Të pakarakter 4 gjykatësit që nuk votuan së bashku me të tjerë në favor të masës së SPAK për Lubi Ballukut. Imagjinoni Fjona Papajorgjin një ekstremiste ekstreme, ta pyes atë zonjë kur Kushtetuta të pezullon ty që je në hierarkinë më të lartë të këtij shteti, thuaj shqiptarëve se pse nuk pezullohet Balluku apo të ka paguar, sa të ka paguar ty edhe të tjerë me radhë.
Çfarë turpesh kanë? Ky për të shpëtuar ligjin, se e di që nuk qëndron, thotë po iu përfshij edhe ju. Me mercenarë të llojit Papajorgji apo Beci beson se do të mund ta bëjë të përtypshëm ligjin. Kodi i tyre politik është vetëm hajnia e vjedhja”, tha Berisha
