Rusia dhe Turqia janë përfshirë sërish në debate, pas pretendimeve se nja avion luftarak rus ka shkelur hapësirën turke.
Ministria e Mbrojtjes ruse thotë se pretendimet e palës turke janë të paverteta.
Zëdhënësi i ministrisë së Mbrojtjes së Rusisë, Igor Konashenkov, tha sot se pretendimet e Ankarasë nuk janë të mbështetura nga të dhënat faktike.
Sipas tij, Turqia ka bërë një “provokim të paramenduar”.
Por, Ankaraja thotë nga ana tjetër se radarët e NATO-s e kanë detektuar një aeroplan luftarak rus që ka shkelur hapësirën ajrore më 29 janar, duke përgënjeshtruar pretendimet ruse se shkelja ishte “propagandë e vërtetë”.
Ankaraja tha se aeroplani rus i tipit SU-34 e ka shkelur hapësirën ajrore të Turqisë.
Dy muaj më parë, Rusia dhe Turqia u përplasën ashpër, pas rrëzimit të një avioni rus nga pala turke.
