Rusia u bën thirrje trupave ukrainase në Mariupol që të dorëzojnë armët dhe të largohen nga qyteti portual deri të hënën në mëngjes.
Për këtë qëllim, një korridor duhet të ngrihet ndërmjet orës 10:00 dhe 12:00 sipas kohës së Moskës bëri me dije ditën e sotme gjeneralmajor Mikhail Mizintsev, sipas agjencisë shtetërore ruse TASS.
Prandaj, Rusia i propozoi Ukrainës një plan sipas të cilit të gjitha njësitë e armatosura të Ukrainës duhet të largohen nga qyteti pa armë dhe municione në rrugën e rënë dakord me Ukrainën. Rusia po këmbëngul në një “përgjigje formale me shkrim” nga Ukraina ndaj propozimeve deri në orën 5 të mëngjesit me orën e Moskës të hënën në mëngjes.
Fillimisht nuk pati asnjë reagim ndaj planeve nga pala ukrainase. Sipas Mizintsev, civilët gjithashtu duhet të lejohen të largohen nga qyteti për në Rusi ose zonat e kontrolluara nga Ukraina. Sipas informacioneve ruse, aktualisht në qytet ka 130 mijë civilë.
