Një shpërthim i fuqishëm ka ndodhur në RTK rreth orës 22:00 të mbrëmjes së djeshme , saktësish tek transmetuesi i valëve.
Radio Televizioni i Kosovës në portalin e tij shkruan se sulmi ka qenë me granatë dore.
“Në kohën e shpërthimit brenda hapësirave të RTK-së ka pasur gazetarë dhe staf tjetër të cilët janë tronditur nga shpërthimi i fuqishëm. Fatmirësisht nuk ka viktima në njerëz” shkruan RTK.
Një email dërguar në redaksinë e Telegrafit, me emrin “Rugovasit Rugovasit” thuhet se ata kanë sulmuar mbrëmë RTK-në.
Më poshtë, mund të lexoni njoftimin e plotë, pa ndërhyrje:
“Mbrem e sulmuam RTK-ne me granat dore. Arsyet per kete sulm jane si me posht: I bajm thirrje krejt gazetarve me e mbrojt token e Kosoves duke e kallxu realitetin e jo me i qit hi syve te popullit tone. Nese Qeverija nuk nalet, sulmet tona kane me u ashpersu perhere ma shume”.
