Segmenti rrugor që lidh qytetin e Pogradecit me pikën turistike të Tushemishtit si pasojë e baltës dhe gropave ka sjellë edhe reagime të ashpra të banorëve. Ata thonë se kjo gjendje e rrugës ekziston prej vitesh duke theksuar se nuk është vënë dorë në këtë pjesë të qytetit.
“Nuk është vene dorë në fakt. Në Tushemisht kjo rrugë ka nevojë për ndërhurje. Kjo rrugë ka qene që në kohën e Enver Hoxhës, që nuk është vënë në dorë. As rruga, as trotuar asgjë.”, shprehet qytetari.
Kjo rrugë paraqet rrezikshmëri të lartë për kalimtarët pasi sic shprehen dhe vetë ata, është bërë burim aksidentesh ku kanë humbur jetën edhe kalimtarë për shkak të mungesës të ndricimit dhe të bordurave mbrojtëse.
Prej vitesh kjo rrugë ndodhet në gjendje të amortizuar, me gropa, pa trotuare dhe bordura mbrojtëse çka është bërë dhe burim aksidentesh. Ndërkohë që numri i vizitorëve rritet dita ditës zgjidhja për të akoma nuk është gjetur.
/shqiptarja.com/
