Rruga Kukës-Shishtavec ka kushtuar rreth 28 milionë dollarë, por ajo ka mbetur në mëshirë të fatit.
Shembjet që janë bërë në mjaft pjesë të saj, e kanë kthyer këtë aks rrugor të paqëndrueshëm dhe të rrezikshëm për drejtuesit e automjeteve.
Drejtuesit e mjeteve që përshkojnë këtë rrugë thonë se po hasin vështirësi të mëdha.
“Rruga është dëmtuar shumë, tani nga lagështia është bërë shumë e rrezikshme. Vështirësi ka shumë, por nuk di se ca mund të bëni ju për këtë vështirësi që ka rruga. Kompania që ishte për pastrim iku fare. Është gjynah se ne paguajmë dhe taksa”, shprehen drejtuesit e mjeteve.
