Reshjet e shirave të rëna gjatë muajit nëntor kanë nxjerrë në pah shumë probleme të Rrugës së Arbrit. Problematikat nisin që në bypassin e Murrizit e deri tek Ura e Vashës. Shembja e karrexhatës në disa pika të bypassit dhe gropat e thella e bëjnë qarkullimin e automjeteve tepër të vështirë.
Shqetësuese situata mbetet edhe në segmentin e Xibrit. Deformimet e rrugës në shumë pjesë e kanë bërë kalimin e automjeteve të rrezikshëm. Siç duket nga pamjet, rruga ka pësuar ulje në anën e poshtme, duke krijuar vështirësi për drejtuesit e mjeteve. Qytetarët shprehen se e gjithë rruga është e pasigurt dhe burim i shumë aksidenteve të ndodhura më parë.
Ndërkohë, për të shmangur hyrjen e ujit në tunelin numër 2 në fshatin Shkallë të Xibrit, firma është kujdesur që të vendosë jorgan e veshje të tjera. Ndërsa në dalje të tunelit numër 4, rruga ka pësuar çarje, ndërsa firma kontraktore ka vendosur sinjalistikë për të paralajmëruar drejtuesit e automjeteve.
Rruga e Arbrit që lidh Tiranën me Dibrën ishte planifikuar që të përfundonte në prill 2022, por ministria e zgjati fillimisht me 17 muaj afatin për kompaninë koncesionare “Gjoka 87” për përfundimin e punimeve.
Pas skadimit të afatit të ri, tuneli i Murrizit është ende larg së përfunduari. Sipas Ministrisë së Infrastrukturës, shtyrja u përllogarit nga një inxhinier i pavarur dhe “nuk do të ketë implikime financiare për Autoritetin Kontraktor”.
Ndërtimi i rrugës prej 54 kilometrash që lidh Tiranën me Dibrën filloi në vitin 2018, pasi kompania “Gjoka Konstruksion” fitoi koncesionin me ofertën prej 33.6 miliardë lekësh. Deri në qershor të këtij viti, kompania mori pagesa me vlerë 13.4 miliardë lekë.
Projekti parashikon ndërtimin e një rruge me dy korsi, e cila kalon në një seri me gjashtë tunele dhe dy ura të larta. Por vepra kryesore e projektit, tuneli i Qafës së Murrizit, 3.8 kilometra i gjatë është zëvendësuar nga një rrugë e ngushtë malore 8.8 kilometra.
Problemet e hasura me hapjen e këtij tuneli janë përdorur si justifikim i ministrisë për zgjatjen e kësaj kontrate 2 herë me 37 muaj në total.
Reshjet e shirave të rëna gjatë muajit nëntor kanë nxjerrë në pah shumë probleme të Rrugës së Arbrit. Problematikat nisin që në bypassin e Murrizit e deri tek Ura e Vashës. Shembja e karrexhatës në disa pika të bypassit dhe gropat e thella e bëjnë qarkullimin e automjeteve tepër të vështirë.
Shqetësuese situata mbetet edhe në segmentin e Xibrit. Deformimet e rrugës në shumë pjesë e kanë bërë kalimin e automjeteve të rrezikshëm. Siç duket nga pamjet, rruga ka pësuar ulje në anën e poshtme, duke krijuar vështirësi për drejtuesit e mjeteve. Qytetarët shprehen se e gjithë rruga është e pasigurt dhe burim i shumë aksidenteve të ndodhura më parë.
Ndërkohë, për të shmangur hyrjen e ujit në tunelin numër 2 në fshatin Shkallë të Xibrit, firma është kujdesur që të vendosë jorgan e veshje të tjera. Ndërsa në dalje të tunelit numër 4, rruga ka pësuar çarje, ndërsa firma kontraktore ka vendosur sinjalistikë për të paralajmëruar drejtuesit e automjeteve.
Rruga e Arbrit që lidh Tiranën me Dibrën ishte planifikuar që të përfundonte në prill 2022, por ministria e zgjati fillimisht me 17 muaj afatin për kompaninë koncesionare “Gjoka 87” për përfundimin e punimeve.
Pas skadimit të afatit të ri, tuneli i Murrizit është ende larg së përfunduari. Sipas Ministrisë së Infrastrukturës, shtyrja u përllogarit nga një inxhinier i pavarur dhe “nuk do të ketë implikime financiare për Autoritetin Kontraktor”.
Ndërtimi i rrugës prej 54 kilometrash që lidh Tiranën me Dibrën filloi në vitin 2018, pasi kompania “Gjoka Konstruksion” fitoi koncesionin me ofertën prej 33.6 miliardë lekësh. Deri në qershor të këtij viti, kompania mori pagesa me vlerë 13.4 miliardë lekë.
Projekti parashikon ndërtimin e një rruge me dy korsi, e cila kalon në një seri me gjashtë tunele dhe dy ura të larta. Por vepra kryesore e projektit, tuneli i Qafës së Murrizit, 3.8 kilometra i gjatë është zëvendësuar nga një rrugë e ngushtë malore 8.8 kilometra.
Problemet e hasura me hapjen e këtij tuneli janë përdorur si justifikim i ministrisë për zgjatjen e kësaj kontrate 2 herë me 37 muaj në total.
