Një ngjarje e rëndë ka ndodhur dje në Rrogozhinë ku një 31-vjeçar ka humbur jetën në punë.
Mësohet se viktima me inicialet Sh.D, ka qenë duke punuar me betoniere në një magazinë ku aksidentalisht ka rënë më pas në kontakt me rrymën elektrike, kontakt i cili rezultoi fatal për të riun.
Njoftimi i policisë:
Më datë 31.10.2017, në Rrogozhinë, shtetasi SH.D, vjeç 31, banues në Rrogozhinë, duke punuar me betoniere në magazinën e shtetasit DH.B, vjeç 45 banues në Rrogozhinë, aksidentalisht ka rënë në kontakt me rrymën elektrike dhe ka gjetur vdekjen. Materialet u referuan në Prokurorinë e Rrethit Gjyqësor Kavajë, si ngjarje aksidentale.
