Paraditja në Shqipëri do të karakterizohet nga kushte të qëndrueshme atmosferike. Për pasojë do të ketë orë të shumta me diell. Kjo do të ndodhë kryesisht në ultësirën perëndimore.
Sipas Meteoalb, pas mesdite pritet që vranësirat të shtohen përkohësisht në territor, ku më të theksuara do të jenë në zonat malore.
Por nuk do të mund të sjellin reshje.
Ndërsa temperaturat e ajrit do të mbeten konstante në mëngjes, por do të pësojnë rritje të lehtë në mesditë duke luhatur vlerat ditore nga 5°C deri në 22°C.
Era do të fryjë mesatarisht me shpejtësi 25 km/h nga drejtimi Perëndimor duke krijuar në brigjet detare dallgëzim të ulët.
