Deputeti demokrat Ervin Salianji ka reaguar pas rritje së frikshme të çmimit të naftës, ku vetëm gjatë natës së sotme ka shënuar 260, duke dalë jashtë çdo parashikimi.
Salinji shkruan në Facebook se fajtore është vetëm qeveria e cila ka lejuar krijimin e një tregu monopol që rrit çmimet dhe kur ka ulje në tregjet ndërkombëtare, tek ne nuk ka asnjë reflektim.
“Çmimi i karburantit në stratosferë, çmimi rritet sipas qejfit të një tregu që në rastin më të mirë është oligopol. Çmimet rriten sapo dëgjohet që do rriten në bursë ndërkohë kur çmimet ne tregjet ndërkombëtare ulen nuk ka reflektim. Qeveria është përgjegjëse për thuajse 120 lek për litër taksa/tarifa/koncensione po aq sa për krijim të tregut thuajse monopol! Edi Rama si gjithmonë nuk është kurrë në anën e shqiptarëve! Mbështes çdo formë reagimi qytetar përballë zhvatjes që po i bëhet financave të tyre”, shkruan Salianji.
Kujtojmë se kryeministri Rama dhe ministrja Belinda Balluku paralajmëruan ditën e djeshme se do të ketë sërish një rritje të çmimeve dhe se qeveria nuk ka çfarë bën, por “fatmirësisht”, na dhanë disa këshilla se kur duhet të përdorim makinën, apo ndezim kondicionerin.
