Aktivisti Adriatik Lapaj ka paralajmëruar protesta, pas rritjes së çmimit të naftë. Bordi i Transparencës vendosi sot që nafta të tregëtohet 248 lekë për litër, çka ka sjellë një seri reagimesh.
Në një postim në rrjetin social, Lapaj shkruan se për dy muaj rresht nuk ka folur askush, por që protestat do të riaktivizohen.
Ai paralajmëron qeverinë se do t’i shkojë në ‘derë’, referuar bulevardit përballë Kryeministrisë.
Postimi i plotë:
Nafta sot 248 lekë. Çmim absolutisht i papërballueshëm për fuqinë tonë ekonomike. Këto 2 muaj asnjë nga profesorat e divanit që ngrinte pretendime se si bëhen protestat nuk e ngriti zërin. As nuk belbëzoi 1 fjalë. Ata që baltë hedhin si tubacion ujërash të zeza sapo dikush guxon të ngrejë zërin kundër së keqes, kundër shtypjes. Asnjë nga ata nuk u pa shesheve apo nuk na udhëhoqi në rezistencë. Koha është treguesi më i mirë. Koha i tregon të tërë e gjithçka. Tani dy fjalë për qeverinë: Do na kesh te dera sërish.
