Rritja e çmimit të miellit, Komisioni i Konkurrencës merr vendimin për kompanitë

Me 3 vota pro dhe 2 kundër, Autoriteti i Konkurrencës ka votuar kundër gjobitjes së kompanive që rritën çmimin e miellit në vendin tonë.

Rritja e çmimit të bukës ka sjellë shqetësim të madh tek qytetarët. Ndërsa pronarët e furrave të bukës theksojnë se ky vendim vjen pasi kompanitë e miellit kanë rritur çmimin.

Lidhur me këtë konstatim, ditën e sotme Autoriteti Kombëtar i Konkurrencës ka votuar kundër gjobitjes së kompanive.

NJOFTIM

Komisioni i Konkurrencës në mbledhjen e datës 29.09.2021, lidhur me vendimin “Për vendosje gjobe ndaj ndërmarrjeve AgroBlend SHPK, Miell  Tirana  SHA, Bloja SHA dhe Atlas Mills SHPK për moszbatimin e detyrimeve të përcaktuara me VKK nr. 700, datë 24.07.2020”, në një votim 2 pro dhe 3 kundër, nuk miratoi propozimin e Sekretariatit për vendosje gjobe ndaj ndërmarrjeve që operojnë në tregun e importit të grurit, importit, prodhimit dhe tregtimit të miellit.

Anëtarët që votuan pro vendosjes së gjobës janë:

1. Znj. Juliana Latifi
2. Eduard Ypi

Anëtarët që votuan kundër vendosjes së gjobës janë:

1. Znj. Leida Matja
2. Znj. Adriana Berberi
3. Denar Biba