Bizneset sot do të zhvillojnë një protestë, për shkak të rritjes së çmimeve. Tubimin e paralajmëroi dje Shoqata e Biznesit të Vogël dhe të Mesëm në Shqipëri. Përfaqësuesit e shoqatave iu bënë thirrje dje bizneseve që të mbyllin për një orë shërbimin dhe të protestojnë në shenjë pakënaqësie.
Lexo edhe: Pas pedagogëve, edhe biznesi lajmëron protestë
Protesta do të zgjasë 60 minuta, nga ora 10.00 deri në 11.00. Biznesmenët kanë dhe disa kërkesa për të cilat kërkojnë me ngulm që t’iu miratohen.
“Çmim i naftës është abuzive dhe i papërballueshëm. Me 5 nëntor protestë një orë për uljen e qepenave. Çdo biznes në mbarë Tiranën, të ulnin qepenat dhe të printojnë fletë, që të lënë shërbimin nga ora 10:00-11:00. Biznesi i vogël dhe i mesëm është i lidhur drejtpërdrejt me konsumatorin”, thanë përfaqësuesit dje.
Ja kërkesat që kërkohen të miratohen:
1-Të hiqet nga paketa fiskale që rit gjobat 2-3 herë.
2-mos kemi rritje të energjisë elektrike që tejkalon fashën 800 në muaj, kjo është pika e që na ndan biznesit me qeverinë shqiptare.
3- të hiqen 50% e taksave për çdo litër karburant.
Protestën në fjalë e ka mbështetur dhe kryetari i Partisë Demokratike Sali Berisha, i cili i ka bërë thirrje qytetarëve të bashkohen.
Kujtojmë se prej javësh, në protestë janë dhe pedagogët, të cilët kërkojnë rritje page.
