Në veri të Mitrovicës është parashikuar të mbahet një protestë e organizuar nga Lista Serbe, e cila pritet të nisë rreth orës 12:00. Drejtuesi i Institutit për Afirmimin e Marrëdhënieve Ndëretnike, Famir Sheholli, u shpreh për KlanKosova se në protestë pritet të paraqiten tri kërkesa.
“ Nesër (sot) është një protestë masive në veri. Ata do t’i kenë tri kërkesa; Kërkesa për të anuluar vendimin për targa, kërkesa për formimin e Asociacionit të Komunave me Shumicë Serbe dhe kërkojnë që një marrëveshje që e quajnë atë të Brukselit për vendosjen e një komandanti serb në veri, me miratimin e katër komunave serbe”, deklaroi Sheholli.
Lexo edhe: “Lista Serbe” braktisi institucionet, reagon presidenca e Kosovës
Situata në veriun e Kosovës ka përjetuar dje një ditë të vrullshme, e kulmuar me vendimin e Listës Serbe për të tërhequr përfaqësuesit e tyre nga institucionet e Prishtinës, duke filluar nga efektivët e policisë. Lista Serbe një ditë më parë theksoi se kishte vendosur të largohet nga institucionet kosovare, por një hap të tillë nuk e kanë bërë zyrtarisht.
