Një teleferik u rrëzua të martën në një rajon skijimi në Austrinë perëndimore, duke lënë një familje me katër anëtarë me lëndime të rënda dhe një në gjendje kritike.
Një pemë ra në kabllon e Acherkogelbahn në zonën e skive Hochoetz të provincës Tirol rreth orës 10:20 të mëngjesit, duke shkaktuar dëme në sistemin e kabinës të cilat çuan në rrëzimin e saj, njoftoi Agjencia Austriake e Shtypit.
Teleferiku u rrëzua nga një lartësi afërsisht 10 metra në një terren pyjor me dëborë, pothuajse të paarritshëm raportuan mediat lokale, duke detyruar shpëtimtarët të nxjerrin viktimat me një litar të varur nga një helikopter.
Rreth 60 teleferikë të tjerë në qarkullim në rrugën Acherkogelbahn, u ndaluan dhe u tërhoqën përsëri në stacion pas aksidentit.
The post Rrëzohet teleferiku, plagosen rëndë 4 persona appeared first on 27.
