Ministria ruse e Mbrojtjes ka thënë se një helikopter i ushtrisë ruse është rrëzuar në Siri.
Nga rrezimi kanë mbetur të vrarë dy pjesëtarë të personelit që ndodheshin në bord.
Sipas njoftimit, helikopteri Mi-28 nuk është sulmuar, por ai është rrëzuar në provincën Homs.
Trupat e pilotëve janë gjetur dhe janë dërguar në bazën ajrore ruse në Hmeymim, thuhet në njoftimin e Ministrisë.
Ende nuk dihen arsyet e rrëzimit të helikopterit, ndërsa Ministria tha se një grup i ekspertëve po punojnë në vendin e rrëzimit të helikopterit, për t’i hetuar rrethanat e incidentit.
