Ish kryeministri Sali Berisha e ka nisur konferencën e ditës së sotme me zhgënjimin që përjetoi pasi mazhoranca rrëzoi ditën e djeshme rezolutën për njohjen e gjenocidit të Srebrenicës, në Bosnjë-Hercegovinë. Kujtojmë se rezoluta nuk kaloi dje në Parlament pasi 51 deputetë votuan kundër.
“Për cdo vend të lirë, për cdo shoqëri të civilizuar, për cdo njeri të civilizuar dënimi i gjenocidit është një detyrim madhor, moral, por edhe ligjor ndërkombëtar.
Në Parlamentin e Shqipërisë dje ndodhi akti më i rëndë, më i turpshëm në historinë 30 vjecare të këtij vendi, refuzimi për të dënuar me një rezolutë një gjenocid të konfirmuar nga dy gjykatat ndërkombëtare, ajo e Krimeve të Luftës në ish Jugosllavi dhe gjykata e Hagës.
Mbi bazën e vendimi të këtyre dy gjykatave, vendet e lira në tërësi kanë kaluar në parlament rezoluta që dënojnë gjenocidin serb, si akti më barbar që nga lufta e dytë botërore.
E ka bërë këtë PE, SHBA dhe parlamente të tjera të Evropës, parlamenti i Malit të ZI, ku jeton një shumicë serbësh”, tha Berisha.
