Që pas tragjedisë së Himarës, ku një vogëlushe 7 vjeçe humbi jetën nga goditja e një skafi, uniformat blu kanë forcuar kontrollet në plazhet e mbipopulluara për të mbrojtur pushuesit nga ngjarje të tilla. Së fundmi në plazhin e Ksamilit dhe Llamanit janë bllokuar 2 mjete lundruese. Mësohet gjithashtu se policia ka gjobitur me shumën 100 mijë lekë të vjetra dhe secilin prej drejtuesve të mjeteve.
“Bllokohen 2 mjete lundruese, në plazhin e Ksamilit dhe Llamanit. Ndëshkohen me masë administrative 10.000 lekë të rinj, secili prej drejtuesve të mjeteve lundruese. Shërbimet e Policisë Kufitare në Sarandë, në vijim të kontrolleve, në kuadër të masave të marra për mbarëvajtjen e sezonit turistik, kanë konstatuar në plazhin e Ksamilit, një mjet lundrues tip gomone, me drejtues shtetasin K. P., banues në Ksamil, i cili nuk dispononte dokumentacionin përkatës dhe menjeherë është bërë shoqërimi dhe bllokimi i tij në portin e Sarandës. Po në vijim të kontrolleve, shërbimet e Policisë Kufitare në Dhërmi, kanë konstatuar në plazhin e Llamanit, një tjetër mjet lundrues tip skaf, me drejtues shtetasin R. P, banues në Vlorë, i cili po ashtu, nuk dispononte dokumentacionin përkatës dhe menjeherë është bërë shoqërimi dhe bllokimi i tij në portin e Himarës. Në bazë të ligjit nr.127, datë 15.10.2021, neni 14/1/b, të dy drejtuesit e mjeteve lundruese, shtetasit K. P dhe R. P, janë ndëshkuar me masë administrative 10.000 lekë të rinj secili, për mungesë dokumentacioni (në bord).“-njofton policia.
