Aksidentimi i një autoboti të mbushur me gaz, prej orësh ka paralizuar lëvizjen në Rrugën e Kombit, në segmentin Milot-Rubik.
Për shkak të rrezikshmërisë që paraqet mjeti i mbushur me gaz, prej 1 ore policia ka devijuar qarkullimin e automjeteve për nga rruga e vjetër Milot-Rubik.
Një vinç i lartë në bashkëpunim me zjarrfikëset po punojnë për largimin e autobotit. Zjarrfikësit në vendngjarje po e mbajnë kontroll depozitën duke e ftohur me ujë.
Mësohet se autoboti doli nga rruga dhe u përmbys pasditen e kësaj të mërkure.
