Ditën e djeshme ra në pranga një nga katër personat që dyshohet se morën pjesë në rrëmbimin që u krye në Kamëz, tre vite më parë.
Policia bëri me dije se është arrestuar në Kosovë Aldo Majnishta, i shpallur në kërkim ndërkombëtar pasi nga hetimet ka rezultuar se është njëri nga organizatorët e rrëmbimit dhe zhdukjes së Jan Prengës, ngjarje e ndodhur më 17 janar të vitit 2020.
29-vjeçari akuzohet se ka qenë një nga ekzekutuesit e Jani Prengës në janar të 2020, u arrestua në Kosovë. Siç njofton policia, Majnishta 29 vjeç, qarkullonte me identitet tjetër fals.
Por Interpol Tirana në bashkëpunim me antikrimin e Kosovës mundi ta lokalizojë dhe ta arrestojë atë.
“Ky shtetas ishte shpallur në kërkim pasi nga hetimet ka rezultuar se është njëri nga organizatorët e rrëmbimit dhe zhdukjes së shtetasit Jan Prenga”, informoi ditën e djeshme Policia e Shtetit.
Operacioni i përbashkët me Policinë e Kosovës u kodua “Pengmarrja”. Gjykata e Posaçme kundër Korrupsionit dhe Krimit të Organizuar, në vitin 2022, i kishte caktuar 29-vjeçarit masën e sigurisë “Arrest në burg”, për veprat penale “Rrëmbimi ose mbajtja peng e personit”, kryer në bashkëpunim, “Trafikimi i narkotikëve”, kryer në bashkëpunim, “Prodhimi dhe mbajtja pa leje e armëve, armëve shpërthyese dhe municionit” dhe “Fshehja ose asgjësimi i kufomës”.
Gjithashtu, këtë shtetas Gjykata e Apelit të Shkodrës, në vitin 2016, e ka dënuar me 3 vjet burgim (nga të cilat i kanë mbetur për të kryer 2 vjet, 3 muaj dhe 15 ditë burgim), për veprat penale “Shkelja e rregullave të qarkullimit rrugor “, “Mosbindja ndaj urdhrit të punonjësit të policisë së rendit publik” , “Prodhimi dhe mbajtja pa leje e armëve, armëve shpërthyese dhe municionit” dhe “Largimi nga vendi i aksidentit”.
Interpol Tirana, në bashkëpunim me autoritetet kosovare, vijon procedurat për ekstradimin e këtij shtetasi, drejt Shqipërisë.
Jan Prenga, baba i tre fëmijëve, u rrëmbye me porosi të Dritan Rexhepajt dhe Gentian Funiqit në 17 janar 2020 në Kamzë, disa ditë pasi ishte ndjekur dhe vëzhguar këmba-këmbës.
Ai u përlesh me rrëmbyesit, por ata mundën të fusnin në një makinë “Range Rover” me ngjyrë të bardhë dhe më pas e transportuan në kompleksin “Golden”, në pronësi të Altin Hajrit, personazh i skeduar për trafik të lëndëve narkotike.
Festim Bexhdili ishte kopshtar i resortit “Golden” në Shijakut, nga garazhi i të cilit u transportua trupi i Jan Prengës. SPAK administroi orë të tëra pamje filmike nga kamerat e resortit, të cilat konfirmuan lëvizjet e personave të përfshirë në ngjarje. E ndërsa trupi i Jan Prengës ende nuk është gjetur, dosja në ngarkim të grupit kriminal prej qershorit 2023 ka kaluar për gjykim në GJKKO.
Të pandehur janë marrë: Dritan Rexhepi, i cili ndodhet në arrest në Ekuador, Gentian Funiqi, i arrestuar në Spanjë, Geraldo Martini, Aldo Majnishta, Martin Bleta, Korado Geshtenja e Artan Docaj. Ndërkohë gjyqi për Altin Hajrin për të njëjtat akuza është pezulluar deri ne njoftimin dhe kapjen e tij.
Nga hetimet e SPAK rezulton se të pandehurit Dritan Rexhepi, i cili aktualisht rezulton të jetë i burgosur në shtetin e Ekuadorit dhe Gentjan Funiqi (Doçaj) me precedentë penalë në fushën e narkotikëve, në fund të muajit dhjetor 2019 kanë urdhëruar rrëmbimin e viktimës, Jan Prenga, me banim në Kamzë, Shqipëri. Kjo, pasi sipas tyre, shtetasi Astrit Prenga, vëllai i viktimës ka vjedhur një sasi kokaine në Portin Portsmouth, Angli, që u përkiste atyre, e cila ishte importuar nga Ekuadori në Angli.
Ky rrëmbim është urdhëruar prej tyre me qëllim që Astriti dhe personat e tjerë të kthenin lëndën narkotike. Organizimi i rrëmbimit është kryer nga të pandehurit Martin Bleta e Korado Keshteja, ekzekutimi u krye nga të pandehurit Artan Doçaj, Aldo Majnishta, Geraldo Martini dhe një person tjetër i paidentifikuar.
Ditën e djeshme ra në pranga një nga katër personat që dyshohet se morën pjesë në rrëmbimin që u krye në Kamëz, tre vite më parë.
Policia bëri me dije se është arrestuar në Kosovë Aldo Majnishta, i shpallur në kërkim ndërkombëtar pasi nga hetimet ka rezultuar se është njëri nga organizatorët e rrëmbimit dhe zhdukjes së Jan Prengës, ngjarje e ndodhur më 17 janar të vitit 2020.
29-vjeçari akuzohet se ka qenë një nga ekzekutuesit e Jani Prengës në janar të 2020, u arrestua në Kosovë. Siç njofton policia, Majnishta 29 vjeç, qarkullonte me identitet tjetër fals.
Por Interpol Tirana në bashkëpunim me antikrimin e Kosovës mundi ta lokalizojë dhe ta arrestojë atë.
“Ky shtetas ishte shpallur në kërkim pasi nga hetimet ka rezultuar se është njëri nga organizatorët e rrëmbimit dhe zhdukjes së shtetasit Jan Prenga”, informoi ditën e djeshme Policia e Shtetit.
Operacioni i përbashkët me Policinë e Kosovës u kodua “Pengmarrja”. Gjykata e Posaçme kundër Korrupsionit dhe Krimit të Organizuar, në vitin 2022, i kishte caktuar 29-vjeçarit masën e sigurisë “Arrest në burg”, për veprat penale “Rrëmbimi ose mbajtja peng e personit”, kryer në bashkëpunim, “Trafikimi i narkotikëve”, kryer në bashkëpunim, “Prodhimi dhe mbajtja pa leje e armëve, armëve shpërthyese dhe municionit” dhe “Fshehja ose asgjësimi i kufomës”.
Gjithashtu, këtë shtetas Gjykata e Apelit të Shkodrës, në vitin 2016, e ka dënuar me 3 vjet burgim (nga të cilat i kanë mbetur për të kryer 2 vjet, 3 muaj dhe 15 ditë burgim), për veprat penale “Shkelja e rregullave të qarkullimit rrugor “, “Mosbindja ndaj urdhrit të punonjësit të policisë së rendit publik” , “Prodhimi dhe mbajtja pa leje e armëve, armëve shpërthyese dhe municionit” dhe “Largimi nga vendi i aksidentit”.
Interpol Tirana, në bashkëpunim me autoritetet kosovare, vijon procedurat për ekstradimin e këtij shtetasi, drejt Shqipërisë.
Jan Prenga, baba i tre fëmijëve, u rrëmbye me porosi të Dritan Rexhepajt dhe Gentian Funiqit në 17 janar 2020 në Kamzë, disa ditë pasi ishte ndjekur dhe vëzhguar këmba-këmbës.
Ai u përlesh me rrëmbyesit, por ata mundën të fusnin në një makinë “Range Rover” me ngjyrë të bardhë dhe më pas e transportuan në kompleksin “Golden”, në pronësi të Altin Hajrit, personazh i skeduar për trafik të lëndëve narkotike.
Festim Bexhdili ishte kopshtar i resortit “Golden” në Shijakut, nga garazhi i të cilit u transportua trupi i Jan Prengës. SPAK administroi orë të tëra pamje filmike nga kamerat e resortit, të cilat konfirmuan lëvizjet e personave të përfshirë në ngjarje. E ndërsa trupi i Jan Prengës ende nuk është gjetur, dosja në ngarkim të grupit kriminal prej qershorit 2023 ka kaluar për gjykim në GJKKO.
Të pandehur janë marrë: Dritan Rexhepi, i cili ndodhet në arrest në Ekuador, Gentian Funiqi, i arrestuar në Spanjë, Geraldo Martini, Aldo Majnishta, Martin Bleta, Korado Geshtenja e Artan Docaj. Ndërkohë gjyqi për Altin Hajrin për të njëjtat akuza është pezulluar deri ne njoftimin dhe kapjen e tij.
Nga hetimet e SPAK rezulton se të pandehurit Dritan Rexhepi, i cili aktualisht rezulton të jetë i burgosur në shtetin e Ekuadorit dhe Gentjan Funiqi (Doçaj) me precedentë penalë në fushën e narkotikëve, në fund të muajit dhjetor 2019 kanë urdhëruar rrëmbimin e viktimës, Jan Prenga, me banim në Kamzë, Shqipëri. Kjo, pasi sipas tyre, shtetasi Astrit Prenga, vëllai i viktimës ka vjedhur një sasi kokaine në Portin Portsmouth, Angli, që u përkiste atyre, e cila ishte importuar nga Ekuadori në Angli.
Ky rrëmbim është urdhëruar prej tyre me qëllim që Astriti dhe personat e tjerë të kthenin lëndën narkotike. Organizimi i rrëmbimit është kryer nga të pandehurit Martin Bleta e Korado Keshteja, ekzekutimi u krye nga të pandehurit Artan Doçaj, Aldo Majnishta, Geraldo Martini dhe një person tjetër i paidentifikuar.
