Një ngjarje e rëndë është zbuluar në Greqi, ku një shqiptar ka rrëmbyer dhe shfrytëzuar seksualisht një vajzë greke. Mësohet se njohja mes dy të rinjve ka ndodhur përmes Facebook, ku shqiptari i arrestuar është afruar 28-vjeçares me pretekstin se do ta ndihmonte dhe do i gjente punë si kamariere në një kafe.
I akuzuari, identiteti i të cilit nuk është bërë i ditur, u takua me vajzën dhe pasi fillimisht i tha se kishte ndërmend ta ndihmonte për të dalë nga situata e vështirë në të cilën ndodhej, më pas, duke përfituar, e çoi në një apartament në Athinë ku qëndronte në mënyrë të paligjshme. Më pas ai e detyroi me forcë që të punonte në një bordello, duke i mbajtur të gjitha të ardhurat. Dyshohet se 28-vjeçari e ka goditur edhe me zinxhirë.
Në lidhje me këtë rast janë arrestuar dhe akuzuar dy persona të tjerë, një 40-vjeçar dhe një 61-vjeçar. Sipas autoriteteve greke 61-vjeçari është personi që i kishte dhënë banesën në të cilën ishte ndaluar vajza në mënyrë të paligjshme, ndërsa mësohet se për transportin e saj kishte siguruar edhe një makinë në pronësi të tij.
Nga ana tjetër, 40-vjeçari shfaqet si punonjës në një dyqan ku shfaqej vajza, por mohon se e dinte saktësisht se çfarë po ndodhte. Shqiptari është akuzuar edhe për për një vrasje të mbetur në tentative në vitin 2020.
