Një nënë 17 vjeçare së bashku me vajzën e saj të mitur janë rrëmbyer ditën e djeshme në Fushë-Kosovë nga disa persona.
Ngjarja mbetet ende e pazbardhur ndërsa dyshohet se rrëmbyesët janë familja e ish-burrit që jeton në Shqipëri.
Mediat kosovare njoftojnë se çifti kishte pak kohë që ishte ndarë.
Rasti u denoncua në polici nga babai i saj, Arbi Shabani, i cili jetonte me bijën dhe mbesën e tij në rrugën “Nënë Tereza” në Fushë Kosovë.
E reja ishte martuar me një person nga fshati Sukth në Shqipëri, afër qytetit të Durrësit.
Shkak për divorcin sipas të afërmeve të saj ishin mospajtimet me familjen e ish-burrit.
Familjarët i thanë T7 se besojnë se 17-vjeçarja me vajzën tashmë kanë kaluar kufirin me Shqipërinë, dhe nuk janë më në territorin e Kosovës.
