Pas ngjarjes së rëndë që tronditi jo vetëm Kavajën por mbarë vendin ku u vra 41-vjeçari Dritan Haxholli dhe u plagos polici Bledar Toçi rrëfehet Marsida Qatja.
30-vjeçarja tregoi se 41-vjeçari Haxholli hyri nga dritarja Brenda banesës së saj dhe qëlloi me breshëri kallashnikovi, por që u vra nga polici Toçi, i cili ishte duke darkuar me Qatjan dhe dy burra të tjerë.
“Ndjehem shumë keq. Jo pa qëllim doja të kontaktoja me ju, sepse nuk janë të vërteta fare që ishte ish i dashuri. Personi na kërcënonte, i binte dritares. Kërkova ndihmën e Bledarit, meqë ishim shokë. Nuk mendoja se do arrinte situata deri këtu.
Bled tha se do më ndihmonte, meqë isha femër e vetme, me fëmijë. Dritani i ra dritares me armë, unë i kërkova të hynte brenda. Ai filloi të qëllonte. Do na vriste dhe mua me djalin e vogël dhe Bledin, nuk kishte fëmijë e njerëz të tjerë brenda”, tha Qatja për News 24.
Video nga BallkanWeb:
