Ministrja e Financave dhe Ekonomisë, Delina Ibrahimaj ka treguar si e mësoi se do të merrte detyrën e re për të drejtuar këtë dikaster. Ibrahimaj ka thënë se e ka mësuar live nga kryeministri Edi Rama do të bëhej ministre.
“Në fakt nuk e prisja. Isha e përqendruar në punën time dhe në të gjitha punët që kam bërë pasi dhe përpara se të isha drejtoreshë në Tatime, kam drejtuar INSTAT-in që është një tjetër institucion shumë i rëndësishëm. Kam qenë e përqëndruar në punën time dhe nuk kam parë punë tjetër. Siç thashë, kisha vetëm dy vite e pak që isha në atë institucion dhe kisha ndërtuar ëndrrat e mia brenda atij institucioni me qëllim që të realizoja objektivat deri në fund, por jeta është me sfida. Sfidat në këtë rast janë të bukura, të rëndësishme.” -u shpreh Ibrahimaj në “Kjo javë”.
