Policia braziliane ka raportuar se u janë konfiskuar pasaportat tre pjesëtarëve të Komitetit Olimpik të Irlandës pasi janë të dyshuar se janë përfshirë në shitjen e paligjshme të biletave për Lojërat Olimpike 2016.
Pasaportat u janë konfiskuar Drejtorit Ekzekutiv të Komitetit Olimpik të Irlandës, Stephen Martin, Sekretarit të Përgjithshëm, Dermot Henihan dhe Kevin Kilty.
Këtyre shtetasve u është kërkuar që të paraqiten në një stacion policor më 23 gusht për t’u marrë pyetje. Në cilësinë e provës material janë konfiskuar gjithashtu edhe kompjutera, telefona celularë dhe bileta të pashitura.
