Nga Dr. Ana L. Scheer
Më 11 prill, shumica e Parlamentit Holandez, me kërkesë të tre grupeve parlamentare, Partisë Demokratike Kristiane, Partisë Socialiste dhe Partisë Liberale, votuan për propozimin e rivendosjes së vizave për shtetasit shqiptarë për shkak të kriminalitetit në rritje, si dhe rritja e emigracionit të paligjshëm në Holandë.
Dje, më 17 prill, Parlamenti i Hollandës votoi në favor të rivendosjes së vizave për Shqipërinë duke vazhduar me kërkesën formale për miratimin e institucionit të BE-së për zbatimin e një vendimi të tillë.
Kjo erdhi si një goditje e madhe për qeverinë e Shqipërisë e cila me shumë gjasa do të përballet me një tjetër refuzim nga Brukseli me ftesë të hapjes së negociatave për anëtarësimin në BE.
Përderisa nuk ka pasur përgjigje zyrtare nga qeveria shqiptare për këtë vendim, opozita dhe spektri politik shqiptar kanë fajësuar Kryeministrin Edi Rama dhe qeverinë e tij për këtë veprim të rëndë të Parlamentit të Holandës.
“Ky është një dënim i ashpër për Shqipërinë!”, deklaroi ish-kryeministri Sali Berisha. “Kjo është për shkak të Edi Ramës, qeverisë së tij të korruptuar që është përfshirë në tregtinë e drogës dhe narkotikëve, kështu Shqipëria nuk do të marrë ftesën për të hapur negociatat me BE. Shqiptarët po rrezikojnë të humbasin një nga arritjet e tyre më të mëdha, lëvizjen e lirë në Evropë, udhëtimin e lirë në zonën Shengen “.
Në vitin 2010 qeveria e Mbretërisë së Holandës ishte një nga mbështetësit kryesorë për liberalizimin e vizave për shtetasit shqiptarë. Rritja e krimit të organizuar shqiptar në Holandë dhe rritja e numrit të azilkërkuesve në vitin 2017 detyruan agjencitë e zbatimit të ligjit të Mbretërisë së Holandës të shtynin autoritetet e tyre vendimmarrëse për kthimin e vizave për shqiptarët.
/off-guardian.org/
