Vdekja e Dr. Florit, një prej këngëtarëve më të pëlqyer të muzikës në vend, ka thyer shumë zemra të simpatizantëve të muzikës së tij dhe të grupit ku ai bënte pjesë “West Side Family”. Por mesa duket ai ka lënë pas dashurinë për muzikën dhe një zë të bukur tek vajza e tij e vogël, Kaltrina, e cila përloti shumëkënd duke kënduar me dy pjesëtarët e tjerë të grupit të dielën në emisionin “Në 1 javë” në Top-channel. Landi, njëri prej anëtarëve të këtij grupi të suksesshëm, ka qenë pjesë e spektaklit dhe në natën finale ai arriti të ribashkojë atë duke sjellë për herë të parë në skenë vajzën e mikut të tij të ndjerë. Në sallë ishte dhe Blerina,bashkëshortja e Dr. Florit, e cila ishte e përlotur gjatë gjithë këngës.
