Pas katër ditësh kërkime është gjetur ditën e sotme i moshuari nga Puka i identifikuar si Nezir Ahmetaj.
60 vjeçari kishte dalë nga shtëpia më datën 4 gusht në fshatin Dardhë për të mbledhur manafera, por që më pas nuk u kthye më dhe familjarët nuk dinin asgjë për fatin e tij.
60 vjeçari kishte humbur gjurmët në mal, por u lokalizua vetëm sot falë ndihmës së një helikopteri të specializuar për operacione të tilla. Ai u transportua në gjendje të fikti në spital si pasojë e konsumimit të frutave të pyllit.
Ahmetaj, po ashtu, kishte pësuar helmim si edhe kishte humbje të memories dhe të ekuilibrit. Ai kishte rrëshkitur në mal dhe kishte thyer këmbën si edhe kishte pësuar dëmtime të tjera.
