Pas votimit të rezolutës në Kuvendin e Holandës për rikthimin e vizave për Shqipërinë ka reaguar edhe zëdhënësja e KE, Natasha Bertaud.
Sipas Bertaud, KE ende nuk ka marrë asnjë kërkesë për pezullimin e vizave, duke shtuar se pezullimi i vizave është një procedurë specifike.
“Komisioni është i vetëdijshëm rreth mocionit që kaloi në Kuvendin e Holandës gjatë ditës së djeshme, por ekziston një procedurë specifike për mekanizmin e rikthimit të vizave dhe deri më sot nuk kemi marrë asnjë njoftim nga asnjë shtet anëtar që kërkon mekanizmin e pezullimit të vizave për cilindo nga vendet që përfitojnë nga udhëtimi pa viza “, tha Natasha Bertaud.
