Situata nga përmbytjet në Qarkun e Elbasanit vijon të mbetet problematike. Autoritetet njoftojnë se gjatë natës ka pasur rënie gurësh, inertesh dhe aluvionesh në disa akse rrugore.
Nga reshjet masive është dëmtuar një shkollë në Labinot Fushë dhe për pasojë nuk mund të zhvillohet mësimi, ndërsa mësim nuk do të bëhet as në shkollën në Kushovë të Gramshit, pasi prurjet e shumta të përroit rrezikojnë fëmijët për kalimin drejt shkollës.
Informacion i ores 8.30 per Qarkun Elbasan:
Gjatë natës kemi pasur rreshje me intensitet të ulët e mesatar e si rrjedhojë kemi pasur rënie gurësh, inertesh e aluvionesh në akset:
Elbasan-Qaf Thanë (vendi-Pishkash dhe kthesat e Murrashit)
Cerrik-Gramsh (vendi – Ceruje, Drizë)
Gramsh-Kodovjat (vendi – Bratile)
Lumenjtë Shkumbin e Devoll janë me prurje të konsiderueshme, por nuk ka ndryshim nga mbrëmja e djeshme, por po mbahet në monitorim në gjithë pikat e mundshme ku mund të përbëje rrezik.
Përroi i Zaranikës ka pasur prurje të shumta e të vrullshme por pa pasoja.
Një shkollë në Nj.A Labinot Fushë nuk zhvillon mësim pasi ka dëmtime të çatisë e për rrjedhojë futet uji brenda, dhe një shkolle në Nj.A Kushove, Gramsh pasi prurjet e shumta të përroit përbëjnë rrezik për kalimin në shkollë.
Furnizimi me energji elektrike ka problem në disa njësi: Nj.A Lunik, Librazhd, një pjesë tek dogana në Qaf Thanë, Nj.A Kodovjat e Kukur Gramsh, Nj.A Shushicë Elbasan dhe një pjesë e qytetit të Belshit. Grupet e punës të OSHE janë në terren dhe situate mund të ndryshojë shumë shpejt.
