Nga reshjet e ditëve të fundit është përmirësuar situata hidrike në kaskadën e Drinit ku ndodhen dhe 3 HEC-et kryesore në vend duke stabilizuar dhe situatën energjitike në vend.
Liqeni i Fierzës ka patur rritjen më të lartë nga reshjet sepse niveli i ujit në basen është rritur me 4 metra. Sipas të dhënave të publikuara nga KESH-i, kuota aktuale e liqenit është 263 metra nga 296 metra që është kufiri maksimal i lejuar.
Për shkak të shirave që kanë përfshirë veriun dhe gjithë pjesën tjetër të Shqipërisë, prurjet e lumenjve në liqen janë rritur duke shkuar në 800 metër kub në sekondë.
HEC-i i Fierzës nuk prodhon energji aktualisht sepse ka si qëllim ruajtjen e rezervave ujore.
