Reshjet e dendura të dëborës që kanë mbuluar Stambollin, përveçse kanë krijuar një atmosferë të bukur, gjithashtu kanë sjellë edhe probleme.
Shumë zona në Turqi po përballen me vështirësi dhe probleme transporti për shkak të kushteve jo të mira atmosferike. Agjencia Turke e Menaxhimit të Fatkeqësive dhe Emergjencave (AFAD) tha se mijëra njerëz ishin evakuuar për shkak të motit të keq. Rreth 4,500 njerëz mbeten të bllokuar në të gjithë Turqinë dhe autoritetet kanë dorëzuar mijëra pako me pije dhe ushqime.
Rreth 7,000 njerëz tashmë janë evakuuar në konvikte dhe strehimore në shtatë provinca në të gjithë vendin. Autoritetet pezulluan të gjitha fluturimet për një orë në aeroportin e Stambollit për shkak të reshjeve të mëdha të borës në qytet, ndërsa shumë vende të tjera në Turqi po përjetonin vështirësi transporti për shkak të motit të keq.
